Pahayag ng Partido Lakas ng Masa (PLM) sa kung gaano Kagahaman ang Meralco at sa Hungkag na Pangako ni Marcos Jr.

By Partido Lakas ng Masa via Facebook

Sa nagdaang SONA ni Ferdinand Marcos Jr. nitong Lunes, ipinangako niya na 𝘁𝗮𝘁𝗮𝗻𝗴𝗴𝗮𝗹𝗶𝗻 𝗻𝗮 𝗮𝗻𝗴 𝘀𝘆𝘀𝘁𝗲𝗺 𝗹𝗼𝘀𝘀 𝗰𝗵𝗮𝗿𝗴𝗲𝘀 𝗺𝘂𝗹𝗮 𝘀𝗮 𝗯𝗮𝘆𝗮𝗿𝗶𝗻 𝘀𝗮 𝗸𝘂𝗿𝘆𝗲𝗻𝘁𝗲. Sa unang tingin, ito ay tila isang makatarungang hakbang na magpapagaan sa pasanin ng mamamayan. Matagal nang tanong ng taumbayan kung bakit sila ang kailangang magbayad para sa pagkawala ng kuryente sa linya—isang kabiguan na dapat sagutin ng mga kumpanya, hindi ng konsumer. Ngunit ilang araw lamang matapos ang talumpati, lumabas ang balita na 𝗸𝘂𝗺𝗶𝘁𝗮 𝗻𝗴 ₱𝟮𝟲.𝟱 𝗯𝗶𝗹𝘆𝗼𝗻 𝗮𝗻𝗴 𝗠𝗲𝗿𝗮𝗹𝗰𝗼 𝘀𝗮 𝘂𝗻𝗮𝗻𝗴 𝗸𝗮𝗹𝗮𝗵𝗮𝘁𝗶 𝗻𝗴 𝘁𝗮𝗼𝗻, kahit bumaba ang demand sa kuryente. Kasabay nito, lumabas ang panayam kay Manny Pangilinan, Chairman at CEO ng Meralco, na mariing tumutol sa panukala ni Marcos Jr., sinasabing “𝗵𝗶𝗻𝗱𝗶 𝗸𝗮𝗸𝗮𝘆𝗮𝗻𝗶𝗻 𝗻𝗴 𝗶𝗻𝗱𝘂𝘀𝘁𝗿𝗶𝘆𝗮” kung aalisin ang singil na ito at “𝘁𝗲𝗻𝘀 𝗼𝗳 𝗯𝗶𝗹𝗹𝗶𝗼𝗻𝘀” ang mawawala.

Ang kabalintunaan ay malinaw: isang gobyernong nag-aalok ng pangakong hindi malinaw kung paano ipatutupad, at isang korporasyong hayagang ipinapakita ang kagahaman. Ang SONA ni Marcos Jr. ay nanatiling retorika ng “pag-unlad” na walang kongkretong sagot sa tunay na problema ng mamamayan. Walang plano kung paano babawasan ang presyo ng kuryente, paano haharapin ang monopolyo ng iilang kumpanya, o paano isusulong ang alternatibong enerhiya na mas mura at mas ligtas. Ang Meralco, sa kabilang banda, ay patuloy na nagpapasasa sa tubo, ipinapasa sa taumbayan ang bigat ng kanilang system loss at ipinapakita na ang interes ng korporasyon ay nakabatay sa kita, hindi sa serbisyo.

Kung susuriin, ang sitwasyong ito ay hindi hiwalay na pangyayari kundi bahagi ng mas malawak na problema ng neoliberal na polisiya sa bansa. Sa ilalim ng ganitong balangkas, ang batayang serbisyo gaya ng kuryente ay ginagawang kalakal na pinagmumulan ng tubo, imbes na karapatan ng mamamayan. Ang gobyerno, sa halip na kumilos upang ipagtanggol ang interes ng taumbayan, ay nagiging tagapagtanggol ng mga korporasyon. Ang pangakong tanggalin ang system loss charge ay nagiging hungkag kung walang sabayang hakbang upang buwagin ang monopolyo at ibalik ang kontrol sa sektor ng enerhiya sa mamamayan.

Para sa Partido Lakas ng Masa, ang enerhiya ay batayang karapatan ng mamamayan, hindi kalakal para sa tubo ng iilan. Ang system loss charge ay dapat tanggalin, sapagkat hindi makatarungan na ang taumbayan ang magbayad para sa kabiguan ng mga kumpanya. Higit pa rito, kailangang buwagin ang monopolyo sa enerhiya at ilagay ang sektor ng kuryente sa ilalim ng demokratikong kontrol ng mamamayan. Ang tunay na solusyon ay hindi nakasalalay sa pangakong walang laman ng gobyerno o sa kagahaman ng mga korporasyon, kundi sa pagtataguyod ng public ownership at sa paglipat sa renewable energy na nakabatay sa pangangailangan ng masa.

Ang sitwasyong ito ay malinaw na larawan ng kapalpakan ng neoliberal na polisiya at ng kawalan ng malasakit ng administrasyong Marcos Jr. At habang ipinagmalaki ang “pag-unlad” sa SONA, 𝗮𝗻𝗴 𝗿𝗲𝘆𝗮𝗹𝗶𝗱𝗮𝗱 𝗮𝘆 𝘁𝗮𝘂𝗺𝗯𝗮𝘆𝗮𝗻 𝗮𝗻𝗴 𝗻𝗮𝗴𝗯𝗮𝗯𝗮𝘆𝗮𝗱 𝘀𝗮 𝗸𝗮𝘀𝗮𝗸𝗶𝗺𝗮𝗻 𝗻𝗴 𝗺𝗴𝗮 𝗸𝗼𝗿𝗽𝗼𝗿𝗮𝘀𝘆𝗼𝗻.

Kaya ang sigaw ng masa ay:

𝗠𝗲𝗿𝗮𝗹𝗰𝗼 𝗦𝗶𝗻𝗱𝗶𝗸𝗮𝘁𝗼!

𝗣𝗮𝗻𝗮𝗴𝘂𝘁𝗶𝗻 𝘀𝗶 𝗕𝗼𝗻𝗴𝗯𝗼𝗻𝗴 𝗠𝗮𝗿𝗰𝗼𝘀!

𝗚𝗼𝗯­𝘆𝗲𝗿𝗻𝗼 𝗻𝗴 𝗠𝗮𝘀𝗮 𝗮𝗻𝗴 𝘀𝗼𝗹𝘂𝘀𝘆𝗼𝗻!

July 31, 2026